ПРАВИЛНИК ЗА ОДНЕСУВАЊЕТО НА УЧЕНИЦИТЕ ВО УЧИЛИШТЕТО И УЧИЛИШНИОТ ДВОР

 

Целта на овој Правилник е поддршка на здрава и безбедна средина на учениците во текот на наставата, во училишната зграда и училишен двор

 

1.1 Однесување на ученикот во училница

 

•  Влегува навреме по звукот на ѕвончето

•  Носи пристојна облека препознатлива за училиштето по што не се издвојува од другите соученици

• Се грижи за личната и хигиената во училницата и дговорно се однесува кон целокупниот инвертар во училницата и холовите

• Се грижи за нагледните средства и компјутерска технологија

•  Не смее да внесува цигари,алкохолни пијалоци,остри предмети и сл

• Го почитува кодексот на однесување

 

1.2  Однесување на ученикот на часот

 

•  Со своето совесно и коректно однесување придонесува за дисциплината на часот

•  За време на писмени работи, тестови, испити се однесува коректно и чесно

• Носи потребен прибор и материјали за пoтполна подготвеност на часот

•  Има слобода во изразувањето беа притоа да ја повреди личноста на наставникот и на своите соученици

•  Не вклучува и користи мобилен телефон или уреди со слична технологија

•  Коректно и одговорно се однесува кон личноста на наставникот и своите соученици

 

1.3 Однесување во училишниот двор и училишната зграда (холот, тоалетите)  нa ученикот:

 

•  Совесно и одговорно се однесува кон училишниот имот и материјалните добра во и надвор од него (не уништува, не крши, не испишува графити или натписи со слични содржини)

•  Достоинствено и пристојно се однесува кон другите ученици и персоналот на училиштето

• Внимава и се грижи за личната и хигиената на училиштето,и училишниот двор, фрла отпадоци на определено место

• Се движи по дефинирани патеки и седи на места предвидени за тоа

• Се грижи за зеленилото во дворот

• Не консумира и не поседува алкохол, цигари и други наркотични и токсични супстанци

• Креира пријатна училишна атмосфера со својот говор, држење и однесување

• Не поседува предмети и супстанци кои можат да ја загрозат личната и безбедноста на другите лица

• Навреме доаѓа в училиште

• Коректно и непристрасно пријавува инциденти или насилства до лица од училишниот персонал

• Не применува психичко, физичко и вербално насилство врз други лица

• Ја почитува приватната сопственост и сопственоста на другите (не краде и не поседува туѓи предмети)

• Има слобода во изразувањето без притоа да ја повреди сопствената и туѓа личност

• Несебично помага на лица со инвалидитет или со посебни потреби.

 

1.4  Однесување на ученикот во училница со компјутери

 

•  Седи на место предвидено за него (реден бр. или по др. редослед)

•  Користи компјутер само со дозвола на наставникот и по завршеток на работата го исклучува

• Совесно и одговорно се однесува кон компјутерите, опремата и при работа на неговиот компјутер

• Се грижи за исправноста на опремата и сите проблеми ги пријавува кај наставникот

• Користи Интернет само за потребите на наставата и со дозвола на наставникот

• Не снима, игра или врши други активности кои ја попречуваат работата на часот

• Лично е одговорен за сите податоци кои ги остава на прелистуваните ВЕБ страни

• Не презема самоиницијативно поправка на дефекти на опремата (само со дозвола на одговорното лице)

 

1.5 Однесување на ученикот во лабораторија (кабинет по хемија,физика или биологија) ученикот:

 

• Внимава на целокупната опрема во лабораторијата

• Нема пристап до супстанци, уреди или др. апаратура без дозвола на наставникот

• Се грижи за хигиената во лабораторијата и по завршеток на активностите го средува работното место

• Не користи запалки и друг вид запаливи и токсични материјали

• Внимателно го истура отпадот на места предвидени, според стандарди,  за тоа,

• Внимателно следи инструкции од наставникот за време на експериментирање во училницата

 

1.6 Правилник за однесување на ученикот во соблекувалната, спортска  сала и спортски терени

 

• Носи спортска облека (дрес,тренерки,патики..) назначена од наставникот

•  Во соблекувалната се соблекува и облекува и таму ги остава своите работи за време на часот

• Одговорен е за безбедностна на своите и туѓи работи оставени во соблекувалната додека е во сала

• Во сала или на спортските терени влегува исклучиво со спортска опрема

• Внимава на спортските реквизити и целокупната опрема во салата и на терените

• При повреда го известува одговорниот наставник

• Часот завршува кога наставникот ќе соопшти дека истиот завршил

• Коректно и спортски се однесува за време на натпреварите или друг вид спортски игри

• Се грижи за личната и хигиената во салат и соблекувалната

 

1.7  Во училишната библиотека ученикот:

• Се зачленува во библиотеката за да позајмува потребна литература

• Зема книги и друг материјал само со потпис од одговорното лице-библиотекар

• Во предвидениот рок ја враќа земената литература на одговорното лице

• Совесно и одговорно се однесува кон земениот материјал (не го уништива, не шкрта..)