Нашите ученици од VIII-6 одделение, волонтери во „Велешки акцијаши“, беа многу вредни минатата недела!
Садеа дрвца во училишниот двор и проследија презентација за нивното одржување .
Денес засадуваме млади дрвја со една јасна цел – да создадеме подобра и поздрава иднина.
Секое засадено дрво значи:
почист воздух,
повеќе сенка,
заштита на почвата,
нов дом за животните.
Со оваа мала, но значајна акција даваме придонес за поубаво опкружување и им покажуваме на идните генерации дека природата се чува со дело, а не само со збор .
Да продолжиме да садиме, да чуваме и да градиме зелена иднина за сите нас!
3 Декември – Меѓународен ден на лицата со попреченост
Денес во просториите на ОУРЦ ,,Маца Ѓ. Овчарова” се одржа 29 Меѓународна Ликовна работилница по повод ,,3 ти Декември- светскиот ден на лицата со попреченост” на тема Македонско културно наследство. Нашите ученици Вероника Талевска и Тифани Михајловска од 9-3, Дариан Попанов и Ивана Пановска од 7-5 и Мери Соколова 8-1, под менторство на наставничката Снежана Стефановска создадоа прекрасни дела прикажувајќи дел од нашето богато културно наследство
По повод 3 Декември – Меѓународниот ден на лицата со попреченост, учениците од II-4 одделение твореа на тема
„Во светот на различности, секој е добредојден“ .
Учениците преку разговор , видеа и презентации на оваа тема, беа запознати со значењето на овој ден, со поддршката , грижата и емпатијата што треба да ја покажеме кон сите луѓе кои на било каков начин се разликуваат од нас.
Сите ние сме различни — високи, ниски, дебели, слаби, црни, жолти, бели, насмеани, тажни — а сепак сме исти .
Сите ние сме луѓе… и за сите нас грее истото сонце!
Учениците од 4-1 одделение го одбележаа 3 Декември – Меѓународниот ден на лицата со попреченост.
Преку креативна и едукативна работилница на тема
„Во светот на различностите, секој е добредојден“ , учениците научија дека различностите нè збогатуваат и дека секој човек заслужува почит, прифаќање и поддршка .
Ментор: Катерина Ѓорѓиева
Под мотото „Во светот на различностите сите се добредојдени“, ученици од VIII одделение, под менторство на наставничката Трајанка Стумбова , со низа активности го одбележаа Меѓународниот ден на лицата со попреченост .
Учениците се обидоа:
да одат со затворени очи,
да се потпишат со уста,
да комуницираат невербално — преку мимики и гестови,
со што поблиску ги почувствуваа предизвиците со кои секојдневно се соочуваат лицата со попреченост .
Во рамките на активностите беше изработен и постер со мотивациски пораки, исполнет со поддршка, емпатија и хуманост
Ви пренесуваме дел од нашите активности по повод
3 Декември – Меѓународниот ден на лицата со попреченост
Под мотото:
„Секој пријател е вреден и различностите не прават уште поубави“
Учесници: учениците од II-5 одделение
Одделенски наставници:
– Мирјана Танчева
– Анита Јамалова
Ден исполнет со разбирање, прифаќање и детска искреност.
Под слоганот „Во светот на различностите, секој е добредојден“ , во спортската сала при ООУ „Васил Главинов“ се реализираа инклузивни спортски игри .
Настанот беше организиран по повод 3 Декември – Меѓународниот ден на лицата со попреченост , со цел поттикнување на прифаќање, тимска работа и позитивен дух меѓу учениците.
Учество земаа ученици од 6-3, 6-5 и 8-6 одделение, под менторство на наставниците:
• Жарко Климкаров
• Милка Андонова
Нашата мисија не е само за денес, туку за секој ден — да создадеме инклузивна, поддржувачка и безбедна училишна средина каде што секое дете учи , напредува и се чувствува прифатено . Само така заедно градиме општество што го отвора патот за сите
Заедничка активност на учениците од I-2 и III-6 одделение по повод 3 Декември – Меѓународниот ден на лицата со попреченост.
Под мотото „Секој пријател е вреден и различностите не прават уште поубави“, преку приказната за Мила и шарената топка , ги изразивме нашите емоции во нашите убави шарени топки и заедно се поигравме во училишниот двор .
Сите другарчиња беа дел од играта, сплотени како еден мал тим на пријателство, поддршка и разбирање.
Одделенски наставници:
• Славица Левкова
• Емилија Несторова
• Розета М. Андов
Образовен асистент:
• Весна Југова Гинов
Нашата мисија не е само за денес, туку за секој ден — да создадеме инклузивна, поддржувачка и безбедна училишна средина каде што секое дете учи , напредува и се чувствува прифатено . Само така заедно градиме општество што го отвора патот за сите
Едукативно предавање на тема
„Важноста на физичката активност и развојот на човекот“
Денес нашите ученици од IX одделение учествуваа на едукативно предавање на тема „Важноста на физичката активност и развојот на човекот“, организирано од Федерацијата Спорт за Сите.
Предавач беше Проф. Д-р Горан Никовски, редовен професор на катедрата за рекреација при ФФОСЗ.
Учениците имаа можност да слушнат корисни информации за важноста од редовно вежбање и позитивното влијание на физичката активност врз здравјето и развојот на човекот.
Најважната порака што ја понесовме од предавањето е дека треба да бидеме физички активни најмалку еден час секој ден и да поминуваме што повеќе време во природа.
ОДБОЈКАРСКИ УСПЕХ ВО НАШЕТО УЧИЛИШТЕ!
Оваа недела во нашето основно училиште се одржа одбојкарски натпревар за учениците од 8мо и 9то одделение машки. Од трите пријавени екипи,
ООУ ,,Васил Главинов",
ООУ ,,Св. Кирил и Методиј" и
ООУ ,,Блаже Конески", нашата екипа го освои првото место и се закити со титулата победник!
Ментор: Весна Николова.
Со голема гордост објавуваме дека продолжуваме понатаму и се пласиравме на зонскиот натпревар!
Свечена промоција на стихозбирката
„Стиховна градина“
На 27 ноември 2025 година во нежната светлина на поетскиот настан, беше одржана свечена промоција на стихозбирката ,,Стиховна градина". Во оваа градина од зборови, каде што секој стих цвета со своја боја, достојно место зазедоа и творбите на младите поетеси Елена Ѓорѓиевска и Јана Тодоровска, ученички од V-4 одд. Нивните песни, како две мали, но силни светилки, го збогатија настанот со детска искреност, свежина и чудесна имагинација.
Месец на науката
Денес на настанот „Ноември – месец на науката“, кој беше во организација на Хемиски институт – Скопје , нашето училиште повторно блесна!
Ученичките Мери Соколова и Ана Пренџова учествуваа на настанот и заслужено ја освоија Првата награда!
Ментор: Ленче Јаневска
Општински натпревари по одбојка
ЧЕСТИТКИ, ШАМПИОНКИ!
Со голема гордост ја објавуваме победата на нашата женска одбојкарска екипа на општинските натпревари во одбојка предводена од менторот Милан Радевски.
Честитки и за второто место на тимот предводен од менторот Весна Николова.
Нашите девојки покажаа неверојатна енергија, борбен дух и тимска игра, носејќи ја победата дома на најдобар можен начин.
Браво девојки! Вие сте вистински пример за труд, дисциплина и спортски дух.
Литературен и ликовен конкурс по повод Денот на училиштето на ССОУ ,,Димитрија Чуповски".
Награди на сите полиња
Поезија:
I МЕСТО за Исидора Николовска
ПОФАЛНИЦА за Симона Миланова, ментор Бојанка Џипунова-Ташева
-Петар Јовановски
Трета награда
Ментор Каролина Попова.
Инспирирани да творат за јазикот во проза:
I МЕСТО за Елена Поповска
II МЕСТО за Тифани Михајловска
III МЕСТО за Стефани Штипјанова
ПОФАЛНИЦА за Вероника Талевска, ментор-Елена Гуновска
на Литературниот конкурс на тема: ,,Јазикот е мост што поврзува, а не ѕид што разделува" по повод Денот на училиштето на ССОУ ,,Димитрија Чуповски".
На ликовниот конкурс ,,Со боите зборуваме сите"- освоено е
I МЕСТО од Тифани Михајловска, ментор - Снежана Стефановска.
За творба по Англиски јазик I МЕСТО за Тифани Михајловска, ментор Наталија Спасиќ. Честитки!
Пронајди го богатството
Учениците Марта Ташева, Вања Петреска, Ана Стојевска, Борјан Левков и Олег Миланов од V-3 одделение, заедно со наставникот по физичко и здравствено образование, Боро Ордевски, земаа активно учество во едукативната игра "Пронајди го богатството", организирана како дел од активностите по повод Детските Рацинови средби.
58 Детски Рацинови Средби
На 58. Детски Рацинови средби, наши ученици се вбројаа меѓу најдобрите.
На поетскиот конкурс кој беше од меѓународен карактер, во конкуренција од 1172 поетски творби, ученикот Стефан Атанасов под менторство на наставничката Трајанка Стумбова го освои високото признание- Специјална награда за поетско остварување.
Во чест на Рацин твореа и најмалите. Учениците од III-6 одд. под менторство на одделенските наставнички, Емилија Несторова и Розета М.Андов, освоија прва награда за најдобра литературно-ликовна изработка.
Кога креативноста и оригиналноста ќе се спојат успехот е неизбежен.
На ликовниот конкурс ,,Кога денот од стих се раѓа”, II награда за Ива Илиев IX-4 одд. под менторство на наставничката Снежана Стефановска.
Најдобро компјутерски изработено видео за Поемата,, Ракување " - Б. Конески од учениците од деветтите одделенија.
58 Детски Рацинови Средби
Книжевна работилница: ,, Писмо до Рацин"
Учениците му се обратија на поетот со жар и копнеж за слободно изразување на чувствата и мислите.
Другаруваа со ученици од цела Македонија, твореа и се запознаа со најновите книжевни достигнување на омилениот писател на тинејџерите Горјан Петревски
Книжевна и едукативна работилница
Во градот каде што зборот првпат прозборел со сила , а песната станала борба и светлина , повторно оживува духот на големиот Коста Солев Рацин .
Велес, неговиот роден град , уште еднаш се претвора во сцена на детската имагинација , инспирација и љубов кон уметноста .
Детските Рацинови средби, кои годинава го бележат своето 58 издание , започнaa вчера и претставуваат синоним за креативност, поезија, едукативност и детска радост – вистински празник на зборот и културата .
Во таа чест, денес се одржаа многу манифестации , а за нас најзначајна е книжевната работилница „Децата од моето училиште“ и едукативната работилница „Волшепството од детски чувари“ со гостувањето на авторката Јадранка Клисарова
Денес учениците од IV одделение при ООУ „Васил Главинов“ – Велес беа во посета на Општина Велес!
Во рамките на посетата, тие имаа можност да се запознаат со работата на локалната самоуправа и да го посетат кабинетот на градоначалникот .
На средбата со градоначалникот , учениците поставуваа прашања , споделија свои идеи и дознаа повеќе за тоа како функционира општината и кои се нејзините надлежности.
Посетата беше исполнета со детска љубопитност, насмевки и нови знаења!
„Да штедиме за нашите желби, да штедиме за нашата иднина“
По повод Светскиот ден на штедењето – 31 октомври беше распишан Конкурс за учениците од основното и средното образование на тема:
„Да штедиме за нашите желби, да штедиме за нашата иднина“
На конкурсот пристигнаа 367 ликовни творби од ученици ширум Македонија , а во категоријата за ученици од VI до IX одделение наградени се:
Тифани Михајловска, IX одд. – ООУ „Васил Главинов“ – Велес
Миа Најдовска, IX одд. – ООУ „Ристо Крле“ – Скопје
Илина Ристовски, VII одд. – ООУ „Вера Јоциќ“ – Скопје
Голема благодарност до сите учесници за нивната креативност и труд, а на наградените искрени честитки!
Продолжете да творите, да штедите и да сонувате големи соништа!
Ликовен конкурс по повод - Ден на осигурувањето
Агенцијата за супервизија на осигурување во рамки на своите активности за развивање на свеста на младата популација за улогата на осигурувањето и оваа година објави Конкурс за ученици од основното и средното образование.
Конкурсот беше објавен по повод - Ден на осигурувањето, 1 ноември.
Ученичката од III- 6 одд ја изрази својата креативност преку цртеж на тема ОСИГУРУВАЊЕ и доби парична награда од 6000 ден.
Ментор: Емилија Несторова
Донација на книги на англиски јазик
Thank you Darian Book Aid and Ciara Suddeth for your amazing support for our students!
We have a greater interest in reading because of your donation and a lot of newly inspired readers !
_____________
Посебна благодарност упатуваме до Darian Book Aid и нашата волонтерка Ciara Suddeth за донацијата на книги на англиски јазик во нашето училиште.
Имаме поголем интерес за читање благодарение на вашата донација и многу новоинспирирани читатели!
Литературна седенка по повод Месецот на книгата на младите поети од ООУ,, Васил Главинов "
Хуманитарен концерт,, Тоше, во срце те носиме"
Донација на фудбалски топки
Благодарност до претседателот на Општинскиот фудбалски сојуз – Велес, господинот Трајче Шопов
Со својата донација на фудбалски топки , тој придонесе за подобрување на наставата по ФЗО и поттикнување на спортскиот дух кај нашите ученици .
Ви благодариме за поддршката и грижата за најмладите спортисти и за унапредувањето на спортот во училиштата!
Едукативно предавање за виталните органи
Едукативно предавање за виталните органи од страна на специјализант доктор хирург уролог, Димитар Темелковски.
Во рамки на наставата по предметот Природни науки, учениците од трето одделение имаа можност да присуствуваат на интересно и едукативно предавање од страна на доктор уролог. Предавањето беше на тема „Витални органи“, при што учениците научија повеќе за улогата и значењето на органите како срцето, белите дробови, мозокот, бубрезите и другите важни делови од човековото тело.
Докторот на едноставен и разбирлив начин им објасни како функционираат овие органи, зошто е важно да ги чуваме здрави и како преку здрава исхрана, движење и редовна хигиена можеме да го заштитиме нашето тело. Учениците со интерес слушаа, поставуваа прашања и активно учествуваа во разговорот.
Предавањето беше одлична можност децата од млади години да се запознаат со важноста на грижата за сопственото здравје.
Активности по повод Детската недела
Од денес и нашите најмали, најмили – рамноправни членови на Детската организација!
Браво и за нашите другарчиња од петто одделение, благодарение на кои овие моменти ќе ги паметиме со радост и насмевки
Убави спомени кои и по многу години ќе не потсетуваат на другарството, детската искреност и радоста што ја носи заедништвото.
Етно креативна работилница Велес 2025
Браво за нашите млади и креативни уметници!
Учениците од нашето училиште учествуваа на изложбата во куќата на Касапови, во рамките на „Етно креативни работилници Велес 2025“ , организирани од Здружението на граѓани „Разбој“.
Во текот на работилниците, учениците стекнаа знаења за старите занаети:
копаничарство
грнчарство
столарство
накит
ткаење и плетење
Работилниците се реализираа во куќите на Касапови, Кочо Рацин и Васил Главинов, каде што знаењето на мајсторите и креативноста на учениците создадоа прекрасни дела кои ја промовираат и ја чуваат традицијата и културното наследство на нашата земја.
Нашето училиште, учениците и менторот добија дипломи за учество во работилниците — признание за љубовта кон уметноста и наследството!
Ликовен конкурс на тема „Учителот“
По повод 30 години од основањето на Педагошки факултет – Битола и Светскиот ден на учителот, Центарот за литература, уметност, култура, ораторство и јазик при Педагошкиот факултет – Битола распиша
КОНКУРС
на тема „Учителот“
Во категоријата ликовна творба (за ученици од основното и средното образование и за студенти), нашата ученичка, Ана Тошевска од III- 6 одд. освои 3 награда под менторство на наставничките Емилија Несторова и Викторија Лазова.
Признанијата беа доделени на свечената академија која Факултетот ја организира по повод јубилејот 30 години од основањето на Педагошки факултет – Битола и Светскиот ден на учителот, која се одржа на 4 октомври 2025 година.
„Звуците на глината во прегратките на куќата“
Во рамките на Европските денови на културното наследство, во организација на ЛУ Народен музеј – Велес, беше одржана едукативно-креативна работилница со наслов:
„Звуците на глината во прегратките на куќата“
Настанот се одржа во спомен-куќата на Кочо Рацин и се состоеше од два дела:
презентација за археологијата
интерактивна работилница со изработка на садови од глиномол и реставрација на керамички садови
Во работилницата учествуваа ученици од сите основни училишта во градот, кои имаа можност да научат како се негува и заштитува нашата традиција и култура .
Големо браво за нашите млади уметници од VII-3 одделение:
Анѓела Ѓорѓиевска
Памела Стојановска
Христина Димовска
под менторство на наставничката Снежана Стефановска
„Живеј со стил – поддржи различности“
Учениците од нашето училиште ја посетија Ликовната галерија , каде што беа инспирирани од пораките на поставените портрети .
Портретите носат силни пораки за силата , достоинството и човечноста , кои нè потсетуваат дека различностите нè збогатуваат и нè прават подобри луѓе.
Браво за нашите ученици што ја препознаваат убавината во уметноста и пораките кои ја градат иднината!
„Спорт за сите деца – од градинка до матуранти“
Настанот беше организиран од Сојузот на училишен спорт – Велес 2002 со поддршка на Општина Велес .
На спортските терени во нашето училиште се одиграа возбудливи натпревари во:
-кошарка
-футсал
-штафетни игри
Учествуваа ученици од одделенска и предметна настава и сите заедно со спортски дух, енергија и другарство го направија денот посебен!
Спортот е игра што нè обединува, нè учи на упорност и фер-плеј, и нè инспирира да растеме здраво и силно!
Светски ден без автомобили
Учениците од III-4 одделение креативно се вклучија со ликовна работилница под мотото:
„Вози здраво – вози безбедно“
Браво за нашите мали уметници кои со својата креативност ја пренесоа пораката за поздрав и побезбеден начин на живот!
Еко акција за чистење на животната средина
Во склоп на Европската недела на мобилност , учениците од сите трети одделенија се приклучија на акцијата:
Еко акција за чистење на животната средина
Во соработка со Младински центар, организирано од Општина Велес , со заеднички сили го исчистија училишниот двор .
Затоа што во чиста средина – поздраво се живее!
Меѓународен тематски стрип конкурс
Оваа учебна година ја започнуваме со награди!
Во организација на Клубот на ликовни уметници „Рашка школа цртања“ од Рашка, Србија беше објавен меѓународниот тематски стрип конкурс со наслов:
„ДАДЕТЕ ШАНСА НА ПОМИРУВАЊЕ!“
Во категорија на основни училишта:
Диплома – 3 место: Тифани Михајловска (IX-3)
Сертификати за учество: Вероника Талевска (IX-3), Тифани Михајловска (IX-3), менторот Снежана Стефановска и нашето училиште .
Честитки за трудот, талентот и посветеноста!
На ден 1.9.2025 година во ООУ „Васил Главинов“ зачекори новата генерација на првачиња!
Топло добредојде на првачињата, присутните гости, родители и ученици им посака директорот на училиштето, господинот Драги Коцевски.
Тој меѓу другото нагласи дека по овие ходници и од овој храм на знаењето излегле многу познати и признати велешани и личности , кои со својата работа оставиле траги во културата , спортот , науката и општеството .
Додаде дека оваа чест денес им припаѓа токму на нив – новата генерација првачиња , кои ќе чекорат по истите патеки и ќе го понесат истиот дух на љубопитност , труд и успех .
Целиот настан беше збогатен со културно-уметничкиот перформанс „Во светот на бајките“ , подготвен од учениците од шесто одделение, под менторство на наставничките од стручниот актив на второ одделение .
Им посакуваме многу среќа и успех на нашите најмали другарчиња во нивното училишно патување!
